corona : प्रदेस म आज सामने आय हे कोरोना के 35 नवा मामला, रईपुर म घलो 8 पॉजिटिव

जय जोहार… (corona) प्रदेस म आज कोरोना के 35 नवा मरीज सामने आय हे। उहें 17 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दउरान 1 मरीज के मउत हो गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 3, राजनांदगांव ले 2, रईपुर ले 8, धमतरी ले 1, बिलासपुर ले 3, रायगढ़ ले 2, कोरबा ले 2, जांजगीर -चांपा ले 2, मुंगेली ले 1, कोरिया ले 4, बस्तर ले 2, बीजापुर ले 2 अउ दुसरइया राज्य ले 3 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 06 हजार 020 हो गे हे, जेमा ले 317 एक्टिव मामला हे। उहें 9 लाख 92 हजार 127 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13576 मरीज के जान चले गेहे।