corona : प्रदेस म आज मिले हे कोरोना के 25 नवा मामला, रईपुर म घलो 9 पॉजिटिव

जय जोहार… (corona) प्रदेस म आज कोरोना के 25 नवा मरीज सामने आय हे। उहें 34 मरीज ह कोरोना ले जंग जीत गे हे, जेखर बाद ओ मन ल अस्पताल ले डिस्चार्ज कर दे गे हे। जबकि इलाज के दउरान 1 मरीज के मउत हो गेहे।

प्रदेस म आज जेन कोरोना (corona) के नवा मरीज मिले हे, ओमा दुर्ग ले 4, रईपुर ले 9, धमतरी ले 1, बलौदाबाजार ले 2, बिलासपुर ले 3, कोरबा ले 2, मुंगेली ले 1, सूरजपुर ले 1, जशपुर ले 1, कांकेर ले 1 नवा मरीज सामिल हे।

बता देन कि प्रदेस म कोरोना (corona) संक्रमित मरीज मन के संख्या 10 लाख 06 हजार 245 हो गे हे, जेमा ले 223 एक्टिव मामला हे। उहें 9 लाख 92 हजार 435 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 13587 मरीज के जान चले गेहे।