chhattisgarh म कोरोना ले बचाव बर अढ़ई करोड़ ले जादा लगीन हे टीका
जय जोहार…. (chhattisgarh ) प्रदेस म कोरोना ले बचाव बर अब तक (18 नवम्बर तक) अढ़ई करोड़ ले जादा टीका लगाय जा चुके हे। कोरोनारोधी टीका के पहलइया अउ दूसरइया दूनों खुराक ल मिलाके प्रदेस भर म कुल दो करोड़ 52 लाख 50 हजार 302 टीका लगाय गेहे।
प्रदेस (chhattisgarh) के एक करोड़ 67 लाख 50 हजार 713 मनखे मन ल संक्रमण ले बचाव बर पहलइया टीका लगाय जा चुके हे, जबकि 85 लाख मनखे मन ल दूनों टीका लगाय जा चुके हे। प्रदेस म 45 बच्छर ले जादा के 92 प्रतिसत अउ 18 ले 44 बच्छर उमर वर्ग के 77 प्रतिसत मनखे मन ह पहलइया टीका लगवा चुके हे।
ए उमर वर्ग म पहलइया टीका लगवा चुके क्रमस : 65 प्रतिसत अउ 39 प्रतिसत मनखे मन ल दूसरइया टीका घलो लगाय जा चुके हे। (chhattisgarh) राज्य म 45 बच्छर ले जादा के 41 लाख 39 हजार 664 अउ 18 ले 44 उमर वर्ग के 38 लाख 17 हजार 199 मनखे मन ल कोरोना ले बचाव बर दूनों टीका लगवा चुके हे।
