BJP रईपुर जिला ह काली पेट्रोल अउ डीज़ल के भाव ल कमती करे के मांग ल लेके करही चक्काजाम, पढ़व
जय जोहार…. (BJP) प्रदेश नेतृत्व के आह्वान म भाजपा रईपुर जिला डहार ले काली राज्य के कांग्रेस सरकार ले पेट्रोल म 5 रुपिया अउ डीज़ल के कीमत म 10 रुपिया के कटौती करे के मांग ल लेके रईपुर म चक्काजाम करही। ये चक्काजाम के कारीकरम ल सनिवार के बिहनिया 11 ले मंझनिया 1 बजे तक कचहरी,शास्त्री चौक रईपुर म आयोजित करे जाही।
ए दौरान भाजपा (BJP) कार्यकर्ता मन ह प्रदेस कांग्रेस सरकार ले पेट्रोल अउ डीजल के कीमत ल कमती करे के मांग करही। भाजपा जिला अध्यक्ष श्रीचंद सुंदरानी जी ह पार्टी के सबो वरिष्ठ अउ कनिष्ठ नेता मन ले से पार्टी डहार ले आयोजित चक्का जाम म उपस्थित होय के आग्रह करे हे।
(BJP) भाजपा रईपुर जिला महामंत्री ओंकार बैस अउ रमेश सिंह ठाकुर ह बताइन कि पार्टी के पदाधिकारी अउ कार्यकर्ता मन ह बिहनिया 10 बजे भाजपा जिला कार्यालय एकात्म परिसर ले शास्त्री चौक पैदल मार्च कर के चक्काजाम करही।
