chhattisgarh : सीएम भूपेश बघेल ह करीन चिराग परियोजना के सुभारंभ, पढ़व

जय जोहार…. (chhattisgarh ) मुख्यमंत्री भूपेश बघेल ह आज जगदलपुर म चिराग परियोजना के सुभारंभ करीन। कुम्हरावंड के शहीद गुण्डाधूर कृषि महाविद्यालय परिसर म आयोजित कृषि मड़ई कारीकरम म परियोजना के सुभारंभ करत हुये मुख्यमंत्री बघेल ह विश्व बैंक के सहायता ले संचालित होवइया करीबन 1735 करोड़ रुपिया के ए परियोजना ल बस्तर के मनखे मन के जीवन म बदलाव लवइया अब तक के सबले बड़का परियोजना बताइन ।

मुख्यमंत्री बघेल ह किहीन कि हरेक बड़का योजना के शुभारंभ ल बस्तर म मां दंतेश्वरी के आसीर्वाद लेके करे जावत हे, एखर परिणाम हे कि ये योजना सफल घलो होवत हे। (chhattisgarh ) वो हा किहीन कि “चिराग परियोजना” छत्तीसगढ़ के बस्तर अउ सरगुजा संभाग सहित 14 जिलों म लागू करे जाही। उवो हा किहीन कि चिराग परियोजना आदिवासी क्षेत्र म विकास के नवा रौशनी फैलाही।

ए अवसर म (chhattisgarh ) मुख्यमंत्री बघेल ह सासकीय महिला पॉलिटेक्निक धरमपुरा के नावकरण ल धरमू माहरा के नाव म अउ बस्तर हाईस्कूल ल जगतू माहरा के नाव म करे के घोसना करीन। एखर संगेसंग वो हा जगतू माहरा के नाव म भव्य सामुदायिक भवन बनाय के घोसना करीन।