corona : देस म बीते 24 घंटा म सामने आय हे कोरोना के 90941 नवा मामला, 325 मरीज मन के होगे मौत

जय जोहार…. देस म बीते 24 घंटा म कोरोना (corona ) के 90 हजार ले जादा नवा मरीज के पहचान होय हे। उहें 19163 मरीज न बने होय के बाद अस्पताल ले छुट्टी दे दे गेहे। जबकि उपचार के दउरान 325 मरीज जान चले गेहे।

केंद्रीय स्वास्थ्य मंत्रालय डहार ले जारी आंकड़ा के मुताबिक देस म पिछले 24 घटा म कोरोना (corona ) के 90941 नवा केस मिले हे। एला मिलाके देस म कोरोना मरीज मन के संख्या ह 3 करोड़ 51 लाख ले जादा हो गेहे। जेमा ले 2 लाख 79 हजार ले जादा एक्टिव मामला हे।

उहें 3 करोड़ 43 लाख मरीज ह कोरोना (corona ) ल मात दे दे हे, जेखर बाद ओ मन न अस्पताल ले डिस्चार्ज कर दे गेहे। ए वायरस ले देस म अब तक 4 लाख 82 हजार मरीज के मउत हो गेहे।