जय जोहार…. मुख्यमंत्री भूपेश बघेल अवइया गणतंत्र दिवस (Republic day) के मउका म 26 जनवरी के बस्तर जिला मुख्यालय जगदलपुर म राष्ट्रीय ध्वज फहराही। छत्तीसगढ़ विधानसभा के अध्यक्ष डॉ. चरणदास महंत ह कोरिया जिला मुख्यालय बैकुंठपुर म ध्वजारोहण करही। राज्य सासन ह गणतंत्र दिवस म जिला मुख्यालय म राष्ट्रीय ध्वज फहरइया मुख्य अतिथि मन के सूची ल जारी कर देहे।
(Republic day) गृहमंत्री ताम्रध्वज साहू ह महासमुंद, स्वास्थ्य मंत्री टी.एस. सिंहदेव ह कवर्धा, कृषि मंत्री रविन्द्र चौबे ह राजनांदगांव, वन मंत्री मोहम्मद अकबर ह दुर्ग, स्कूल शिक्षा मंत्री डॉ. प्रेमसाय सिंह टेकाम ह कोरबा, उद्योग अउ वाणिज्य मंत्री कवासी लखमा ह दंतेवाड़ा, खाद्य मंत्री अमरजीत भगत ह गरियाबंद, राजस्व मंत्री जयसिंह अग्रवाल ह गौरेला, नगरीय प्रसासन अउ विकास मंत्री डॉ. शिवकुमार डहरिया ह अंबिकापुर, महिला अउ बाल विकास मंत्री अनिला भेड़िया ह कांकेर, उच्च सिक्षा मंत्री उमेश पटेल ह बलौदाबाजार अउ लोक स्वास्थ्य यांत्रिकी मंत्री गुरू रूद्र कुमार ह मुंगेली म ध्वजारोहण करही ।
गणतंत्र दिवस (Republic day) म विधानसभा के उपाध्यक्ष मनोज सिंह मंडावी ह रायगढ़, संसदीय सचिव गुरूदयाल सिंह बंजारे ह बालोद, संसदीय सचिव विकास उपाध्याय ह बिलासपुर, संसदीय सचिव चंद्रदेव राय ह जांजगीर, संसदीय सचिव चिंतामणी महराज ह जशपुर अउ संसदीय सचिव शिशुपाल सोरी ह कोंडागांव म राष्ट्रीय ध्वज फहराही।
विधायक बृहस्पत सिंह ह सूरजपुर, विधायक अनिता शर्मा ह धमतरी, विधायक ममता चन्द्राकर ह बेमेतरा, विधायक विनय जायसवाल ह बलरामपुर, विधायक चंदन कश्यप ह सुकमा, विधायक संतराम नेताम ह नारायणपुर अउ विधायक विक्रम मंडावी ह बीजापुर म झंडारोहण करही ।
