Republic day: सीएम भूपेश बघेल ह जगदलपुर के लालबाग मैदान म करीन ध्वजारोहण, पढ़व

जय जोहार…. 73वां गणतंत्र दिवस (Republic day) के अवसर म आज मुख्यमंत्री भूपेश बघेल ह बस्तर जिला मुख्यालय के जगदलपुर के लालबाग मैदान म आयोजित मुख्य समारोह म ध्वजारोहण कर राष्ट्रीय ध्वज ल सलामी दीन हे । उहें सशस्त्र बल के जवान मन के डहार ले गार्ड ऑफ ऑनर दे गीस ।

ए मउका म मुख्यमंत्री भूपेश बघेल ह प्रदेस वासी मन ल गणतंत्र दिवस (Republic day) के बधाई अउ सुभकामना दीन हे । प्रदेस के निरंतर विकास बर राज्य सरकार डहार ले करे जावत काम, नीति, योजना अउ उपलब्धि म केन्द्रित मनखे मन के नाव संदेस के वाचन करीन ।