जय जोहार…. मोदी सरकार डहार ले आज पेश केंद्रीय बजट ल (chhattisgarh ) मार्क्सवादी कम्युनिस्ट पार्टी ह लफ्फाजी भरा कॉर्पोरेट बजट करार देहे, जेमा कोरोना संकट अउ मंदी के दुहरी मार ले जूझत आम मनखे मन बर राहत के कोनो बात नई हे। पार्टी ह किहीन कि ये बजट संपत्ति के संकेंद्रण ल बढ़ाही अउ एखर ले आर्थिक असमानता अउ तेजी ले बाढ़ही ।
माकपा (chhattisgarh ) राज्य सचिव संजय पराते ह किहीन कि खाद्यान्न भंडारण के बजट म 15000 करोड़ रुपिया , स्वास्थ्य के क्षेत्र म 3000 करोड़ रुपिया अउ मनरेगा के बजट आबंटन म 25000 करोड़ रुपिया ले जादा के कटौती करे गेहे। एखर आम मनखे मन के जीवन स्तर म सीधा प्रतिकूल प्रभाव पड़ही। एखर पहले ले कमजोर देस के खाद्यान्न सुरक्षा अउ आत्मनिर्भरता, सार्वजनिक वितरण प्रणाली अउ जादा खतरा म पड़इया हे। बजट म ए भारी कटौती ले रोजगार निर्माण के संभावना घलो खत्म होही ।
