CBSE के बड़का निर्णय, दसवीं अउ बारहवीं टर्म 2 के परीक्षा ह 26 अप्रैल ले होही ऑफ़लाइन, पढ़व

जय जोहार। सीबीएसई (CBSE) टर्म 2 परीक्षा के तारीख ल बोर्ड डहार ले जारी कर दे गेहे । कोविड -19 महामारी के सेती अनिश्चितता ल देखत 5 जुलाई, 2021 के सर्कुलर के अनुसार सीबीएसई बोर्ड के परीक्षा दू भाग यानी टर्म 1 अउ टर्म 2 म होना हे। बोर्ड ह हाल ही म सीबीएसई टर्म 1 परीक्षा ल आयोजित करे रिहीन ।

बोर्ड ह आने आने हितधारक मन के संग चर्चा अउ कोविड-19 महामारी ल धियान म रखत सीबीएसई (CBSE) टर्म 2 परीक्षा ऑफ़लाइन मोड म आयोजित करे के निर्णय लेहे। बोर्ड ह अब सीबीएसई टर्म 2 परीक्षा के घोसना करे हे अउ टर्म 2 थ्योरी परीक्षा 26 अप्रैल, 2022 ले सुरु होही ।