chhattisgarh : मुख्यमंत्री भूपेश बघेल ह भूमकाल दिवस म अमर शहीद गुंडाधुर ल करीन नमन
जय जोहार। (chhattisgarh) मुख्यमंत्री भूपेश बघेल ह आज रईपुर के अपन निवास कार्यालय म भूमकाल स्मृति दिवस म अमर शहीद आदिवासी जननायक गुंडाधुर के चित्र म पुष्प अर्पित कर ओमन ल नमन करीन । ए अवसर म संसदीय सचिव शिशुपाल सोरी घलो उपस्थित रिहीन ।
मुख्यमंत्री श्री बघेल ह किहीन कि आजादी ले पहले अंग्रेज मन के अत्याचार के खिलाफ छत्तीसगढ़ (chhattisgarh ) के आदिवासी क्षेत्र म घलो विरोध के स्वर उठे रिहीस। ए विरोध ल बुलंद करे म आदिवासी जननायक मन ह महत्वपूर्ण भूमिका ल निभाईन अउ अपन सर्वस्व न्यौछावर कर दिन । ए जननायक मन म ले एक अमर शहीद गुुंडाधुर के नेतृत्व म सन् 1910 म बस्तर म हुये भूमकाल विद्रोह म आदिवासी मन के जल, जंगल अउ जमीन बर अंग्रेजी हुकूमत के खिलाफ डटके संघर्ष करीन । आदिवासी चेतना के प्रतीक के रूप म शहीद गुंडाधुर जनमानस म हमेसा जीवित रही ।
वो हा किहीन कि (chhattisgarh )अमर शहीद गुंडाधुर ह अपने अधिकार के रक्षा बर आदिवासी जनमानस म जेन अलख जगाईन हे, ओ हा हमेसा जलत रही । ओखर स्मृति म मनाये जवइया भूमकाल दिवस सदा अपन अधिकार के रक्षा बर सजग रहे के प्रेरणा देत रही ।
