chhattisgarh: सीएम भूपेश बघेल ह भारत कोकिला सरोजिनी नायडू के जयंती म करीन नमन

जय जोहार…. (chhattisgarh) मुख्यमंत्री भूपेश बघेल ह भारत कोकिला, सुप्रसिद्ध कवयित्री, स्वतंत्रता संग्राम सेनानी अउ भारत के पहला महिला राज्यपाल स्वर्गीय श्रीमती सरोजिनी नायडू के 13 फरवरी के जयंती के अवसर म ओमन ल नमन करीन हे ।

श्रीमती नायडू के उपलब्धि अउ देस बर ओखर अमूल्य योगदान ल याद करत हुये (chhattisgarh) सीएम श्री बघेल ह किहीन कि श्रीमती सरोजिनी नायडू ह भारतीय स्वतंत्रता संग्राम म अग्रणी भूमिका ल निभाईन । वो हा कई ठीन राष्ट्रीय आंदोलन के नेतृत्व के संग छोटे-छोटे सहर म महिला मन ल जागरूक करे के घलो काम करीन ।

ओखर सम्मान अउ स्मृति म हरेक बच्छर ओखर जयंती म राष्ट्रीय महिला दिवस मनाये जात हे। (chhattisgarh) श्रीमती नायडू ह विश्व भर म भारत कोकिला के नाव् ले जाने जात हे । सीएम श्री बघेल ह किहीन कि श्रीमती नायडू के विचार अउ मूल्य हमन ल हमेसा प्रेरित करत रही ।