chhattisgarh: केन्द्र सरकार के संयुक्त सचिव ह करीन रईपुर के स्वामी आत्मानंद अंग्रेजी माध्यम स्कूल के तारीफ , पढ़व
जय जोहार । छत्तीसगढ़ (chhattisgarh) सरकार डहार ले सुरु करे स्वामी आत्मानंद अंग्रेजी माध्यम स्कूल के केन्द्र सरकार के अधिकारी मन ह प्रसंसा करे हे। केंद्रीय स्कूल शिक्षा अउ साक्षरता विभाग के संयुक्त सचिव मनीष गर्ग ह राजधानी रईपुर के स्वामी आत्मानंद अंग्रेजी माध्यम स्कूल के अवलोकन करीन , ए दउरान वो हा राज्य सरकार डहार ले सुरु करे ए स्कूल के तारीफ करीन । ए अवसर म संचालक लोक शिक्षण सुनील जैन समेत स्कूल शिक्षा विभाग के अधिकारी घलो उपस्थित रिहीन ।
केन्द्र सरकार के संयुक्त सचिव श्री गर्ग ह स्वामी आत्मानंद स्कूलों के अवलोकन के दउरान स्कूल म लईका मन ल उपलब्ध कराये जावत सुविधा के जायजा लीन । वो हा स्कूल के स्मार्ट क्लास, लायब्रेरी अउ लैब के घलो अवलोकन करीन । (chhattisgarh) ए दउरान वो हा अध्ययनरत लईका कण ले पढ़ाई अउ सिक्षक ले घलो ए स्कूल के व्यवस्था के संबंध म जानकारी लीन । श्री गर्ग ह लईका मन के टेस्ट के आयोजन बर शिक्षा विभाग डहार ले तैयार करे गये एनआईसीएलएआर एप्प के घलो सराहना करीन ।
केन्द्र सरकार के संयुक्त सचिव ह शंकर नगर के बी.एड कॉलेज म चलत शाला सुरक्षा अउ आपदा प्रबंधन के प्रसिक्षण कारीकरम म घलो पहुंचीन । वो हा शाला सुरक्षा अउ व्यक्तिगत् सुरक्षा अउ आपदा प्रबंधन प्रसिक्षण कारीकरम म दूसर जिला ले आये प्रसिक्षणाथी मन ले बात करीन।
