CM भूपेश बघेल ह आज गौठान के उत्पाद के एकीकृत ब्रांड ‘अर्थ‘ ल करही लॉन्च
जय जोहार । (CM) सीएम भूपेश बघेल ह आज बिहनिया 11 बजे अपन निवास कार्यालय म आयोजित कारीकरम म राज्य के गौठान म महिला स्व-सहायता समूह के प्राकृतिक रूप ले निर्मित आने आने प्रकार के उत्पाद के एकीकृत ब्रांडनेम ‘अर्थ‘ ल लॉन्च करही । एखर संग बाजार म अर्थ ब्रांडनेम ले महिला स्व-सहायता समूह डहार ले तैयार गिफ्ट हैम्पर विक्रय बर उपलब्ध हो जाही । मुख्यमंत्री बघेल ह ए मउका म अर्थ ब्रांड के लोगो के घलो विमोचन करही।
गौरतलब हे कि गौठान म महिला स्व-सहायता समूह डहार ले दैनिक जीवन म उपयोग के कई ठीन सामग्री नेचुरल तरीका ले निर्मित करे जावत हे । एला बाजार म अर्थ ब्रांडनेम ले विक्रय करे जाही। राज्य के 22 विकासखण्ड के 230 गौठान ले जुड़े 277 महिला स्व-सहायता समूह डहार ले बिसेस प्रकार के चार ठीन प्रोडक्ट तैयार करे जावत हे, जेमा लेमन ग्रास अउ अपराजिता के उपयोग ले दू प्रकार के इम्यूनिटी-टी, लेमन ग्रास, सिट्रोनेला, पामारोजा अउ तुलसी ले बने चार ठीन प्रकार के एसेंशियल ऑयल, मुल्तानी मिट्टी, शहद, दूध, तुलसी, लेमन, ऐलोवेरा, लेमन ग्रास अउ हल्दी ले निर्मित आठ ठीन प्रकार के साबुन अउ पांच ठीन प्रकार के लाल, हरा, नीला, पीला अउ गुलाबी जैविक गुलाल सामिल हे ।
गोधन न्याय मिशन के मार्गदर्सन म महिला समूह के उक्त उत्पाद के गिफ्ट हैम्पर के रूप म बड़अकन आकर्षक ढंग ले पैकेजिंग करे गेहे । एखर एओटी घलो तैयार करे गेहे । ये गिफ्ट हैम्पर अर्थ ब्रांडनेम ले मार्केट म बिकही । इसकी मार्केटिंग वेबसाइट के माध्यम से भी की जाएगी। (CM) मुख्यमंत्री भूपेश बघेल के मौजूदगी म गौठान म महिला स्व-सहायात समूह के माध्यम ले जैविक गुलाल अउ पूजन सामग्री ल तैयार करे बर संचालक उद्यानिकी अउ प्रक्षेत्र वानिकी अउ श्री गणेश ग्लोबल प्राईवेट लिमिटेड के मध्य एमओयू घलो होही ।
