chhattisgarh : दू मंत्री के दू ठीन राय म भाजपा ह उठाइन सवाल, किहीन – चौबे अउ टीएस म कोन ल हटाही मुख्यमंत्री ह
जय जोहार। (chhattisgarh) प्रदेस भाजपा प्रवक्ता अनुराग सिंहदेव ह राज्यसभा सांसद रामविचार नेताम डहार ले आदिवासी लईका मन के मउत के मामला ल उठाय म आंकड़ा ल सरकार के प्रवक्ता मंत्री डहार ले झुठलाय अउ स्वास्थ्य मंत्री डहार ले स्वीकार कर श्री नेताम ल ए डहार धियान दिलाय बर धन्यवाद दिये जाय म कांग्रेस सरकार म हमला बोले हे।
वो हा किहीन कि (chhattisgarh) सरकार के दू मंत्री ह एक ठीन मामला म दु अलग अलग राय व्यक्त करत हे , भूपेश बघेल ह सरकार चलावत हे या सर्कस। वो हा किहीन कि मुख्यमंत्री भूपेश बघेल बतायें कि सरकार के प्रवक्ता मंत्री के बयान ल सरकार के बयान माना जाय या स्वास्थ्य विभाग ले जुड़े तथ्य म स्वास्थ्य मंत्री के स्वीकारोक्ति ल ।
भूपेश बघेल सरकार म आबकारी विभाग के जवाब ल परिवहन मंत्री देत हे अउ स्वास्थ्य विभाग ले संबंधित मुद्दा म कृषि मंत्री ह सच ल झूठ करार देत हे । ये का तमासा हे । गरीब आदिवासी लईका मानब के मउत म कांग्रेस सरकार ह नौटंकी करत हे। स्वास्थ्य विभाग के मंत्री के अधिकार क्षेत्र म कृषि मंत्री ह अतिक्रमण करत हे । छत्तीसगढ़ के मनखे मन ह कांग्रेस ल जनता मन के जान के खिलवाड़ करे ल अउ हजारो आदिवासी लईका मन के मउत ल झुठलाय बर नई चुने हे ।
