chhattisgarh : नरवा विकास कारीकरम : कैम्पा मद म बच्छर 2019-20 के सबो काम ह पूरा होय के ओर, पढ़व
जय जोहार। (chhattisgarh) राज्य सरकार डहार ले सुराजी गांव योजना के तहत चलाये जावत महत्वपूर्ण ‘‘नरवा विकास कारी करम ’’ के अंतर्गत कैम्पा के सालाना कार्ययोजना 2019-20 म 160 करोड़ रुपिया ले जादा के रासि ल स्वीकृति दे गेहे ।
एमा 1 हजार 829 किलोमीटर लंबाई के 863 छोटे-बड़े नाला के 4.84 लाख हेक्टेयर जल ग्रहण क्षेत्र म 12 लाख 24 हजार भू-जल संरक्षण संबंधी संरचना के निर्माण ल करे जावत हे । ए संरचना म ले अब तक 140 करोड़ रुपिया के रासि व्यय कर 12 लाख 697 संरचना के निर्माण ल पूरा कर ले गेहे ।
ए संबंध म (chhattisgarh) प्रधान मुख्य वन संरक्षक अउ वन बल प्रमुख राकेश चतुर्वेदी ह बताइन कि नरवा विकास योजना के तहत कैम्पा के सालाना कार्ययोजना 2019-20 के अंतर्गत दुर्ग वृत्त म 11 करोड़ 56 लाख रुपिया के स्वीकृत रासि ले निर्माणाधीन 79 हजार 293 संरचना म ले अब तक 69 हजार 442 संरचना के निर्माण ल पूरा कर ले गेहे।
अइसने बिलासपुर वृत्त अंतर्गत 43 करोड़ रुपिया के स्वीकृत रासि ले 6 लाख 80 हजार 329 भू-जल संवर्धन संबंधी संरचना संरचना के निर्माण ल करे जावत हे। एमा ले अब तक 35 करोड़ रुपिया के रासि व्यय कर 6 लाख 68 हजार 609 संरचना के निर्माण ल पूरा कर ले गेहे। रायपुर वृत्त अंतर्गत 17 करोड़ रुपिया के स्वीकृत रासि ले 56 हजार 454 संरचना के निर्माण प्रगति म हे है। एमा ले अब तक 15 करोड़ रुपिया के रासि व्यय कर 56 हजार 421 संरचना के निर्माण ल पूरा कर ले गेहे।
(chhattisgarh) अइसने जगदलपुर वृत्त अंतर्गत 17 करोड़ रुपिया के स्वीकृत रासि ले 2 लाख 78 हजार भू-जल संरक्षण संबंधी संरचना के निर्माण ल करे जावत हे। एमा ले अब तक 16 करोड़ 66 लाख रुपिया के रासि व्यय कर सबो 2 लाख 78 हजार संरचना के निर्माण ल पूरा कर ले गेहे। सरगुजा वृत्त अंतर्गत 36 करोड़रुपिया के स्वीकृत रासि ले निर्माणाधीन 1 लाख 18 हजार संरचना म ले अब तक 1 लाख 17 हजार संरचना के निर्माण ल पूरा कर ले गेहे।
कांकेर वृत्त अंतर्गत 15 करोड़ रुपिया के स्वीकृत रासि ले निर्माणाधीन 2 हजार 626 संरचना म ले अब तक 2 हजार 621 संरचना के निर्माण ल पूरा कर ले गेहे। बिलासपुर वृत्त अंतर्गत अचानकमार टायगर रिजर्व क्षेत्र म स्वीकृत 10 करोड़ रुपिया के रासि ले निर्माणाधीन 6 हजार 85 संरचनाओं म ले अब तक 5 हजार 578 संरचना के निर्माण ल पूरा कर ले गेहे।
