chhattisgarh : प्रधानमंत्री मोदी घलो गोधन न्याय योजना के नकल करे के बनावत हे योजना -कांग्रेस

जय जोहार…. कांग्रेस ह किहीन कि छत्तीसगढ़ (chhattisgarh ) मॉडल 5 राज्य के चुनाव के संग देस भर म चर्चा के बिसय बने हे । प्रदेश कांग्रेस संचार विभाग के अध्यक्ष सुशील आनंद शुक्ला ह किहीन कि प्रधानमंत्री मोदी घलो गोधन न्याय योजना के नकल करे के योजना बनावत हे । प्रधानमंत्री नरेन्द्र मोदी ह उत्तर प्रदेश के चुनावी सभा म किहीन कि 10 मार्च के बाद ओखर सरकार ह अवारा पशु के प्रबंधन करे के संग गोबर ले धन कमाय के योजना बनाही।

प्रधानमंत्री ह अपने संबोधन म भले ही राजनैतिक प्रतिद्वंदिता के सेती छत्तीसगढ़ (chhattisgarh )के गोधन न्याय योजना के नाव नई लीन हे, लेकिन वो हा अप्रत्यक्ष तौर म मुख्यमंत्री भूपेश बघेल के गोधन न्याय योजना के तारीफ कर ओला उत्तर प्रदेश म लागू करे के बात करीन हे । गोधन ही नई छत्तीसगढ़ सरकार डहार ले चलाय जावत राजीव गांधी किसान न्याय योजना अउ राजीव गांधी भूमिहीन कृषक मजदूर योजना के बारे म घलो देश भर म मनखे मन ले चर्चा करत हे । राजनैतिक दल ह छत्तीसगढ़ सरकार के योजना ल चुनाव म जीते के बाद अपन इहां लागू करे के वायदा ल करत हे।

(chhattisgarh ) प्रदेश कांग्रेस संचार विभाग के अध्यक्ष सुशील आनंद शुक्ला ह किहीन कि छत्तीसगढ़ सरकार डहार ले बनाईन जनहितकारी योजना अउ ओखर जमीनी स्तर म प्रभावी क्रियान्वयन के सेती राज्य म किसान मजदूर, युवा के संग उद्योग, व्यापारी मन के सबो क्षेत्र म आमूल चूल परिवर्तन आय हे । देश म किसान समर्थन मूल्य बर आंदोलन करत छत्तीसगढ़ म किसान मन ल ओखर उपज के भरपूर समर्थन मूल्य 2500 रू. मिलत हे । भाजपा शासित उत्तर प्रदेश म किसान अपन धान ल 1700 रुपिया म नई बेच पावत हे ।