chhattisgarh : हाट-बाजार म सुरुवात ले अब तक 21.63 लाख मनखे मन के होय हे इलाज, पढ़व
जय जोहार…. (chhattisgarh) मुख्यमंत्री हाट-बाजार क्लिनिक योजना ह राज्य के सबो जिला अउ विकासखण्ड म संचालित हे । ए योजना के अंतर्गत हाट- बाजार म अवइया सबो मरीज के ओ.पी.डी. आधारित 8 ठीन सेवा अउ जांच ल करे जावत हे। जांच के बाद व्याधिग्रस्त मनखे मन ल दवाई के मुफत वितरण करे जावत हे अउ आवश्यकता होय म उच्च स्तरीय स्वास्थ्य केन्द्रों म संदर्भन कर चिकित्सकीय सेवा ल प्रदान करे जात हे।
ए योजना के तहत (chhattisgarh) राज्य म 356 ठीन डेडिकेटेड ब्राडिंग वाहन अउ चिकित्सा दल के माध्यम ले चिकित्सा सुविधा ल प्रदाय करे जावत हे। छत्तीसगढ़ के वनांचल अउ ग्रामीण इलाका के हाट-बाजार म स्वास्थ्य विभाग के मेडिकल टीम ह 21 लाख 62 हजार 751 मनखे मन ल इलाज मुहैया कराये हे। हाट-बाजार के क्लिनिक म 19 लाख 60 हजार 270 मरीज मन के जांच कर मुफत दवाई दे गेहे। मुख्यमंत्री हाट-बाजार क्लिनिक योजना के अंतर्गत जनवरी 2022 तक प्रदेस के 1497 हाट-बाजार म क्लिनिक लगाके मनखे मन ल ये सुविधा ल उपलब्ध कराये गेहे । स्वास्थ्य विभाग डहार ले ए दउरान कुल 64 हजार 401 ठीन हाट-बाजार क्लिनिक सिविर ल आयोजित करे गेहे ।
(chhattisgarh) हाट-बाजार क्लिनिक म जरूरतमंद मन ले मुफत उपचार, चिकित्सीय परामर्श अउ दवाई उपलब्ध कराय के संग मोबाइल मेडिकल यूनिट डहार ले मलेरिया, एचआईव्ही, वी.डी.आर.एल., मधुमेह, एनिमिया, टीबी, कुष्ठ रोग, उच्च रक्तचाप अउ नेत्र विकार के जांच घलो करे जात हे। ए क्लिनिक म गर्भवती महिला मन के जांच अउ शिशु के टीकाकरण घलो करे जात हे ।
