chhattisgarh : भाजपा ह गौ-माता के नाव ले सिरिफ करत हे राजनीति – कांग्रेस

जय जोहार । (chhattisgarh ) प्रदेस कांग्रेस अध्यक्ष मोहन मरकाम ह किहीन कि भाजपा ह बीफ निर्यातक कंपनी के चंदा ले झण्डा अउ बैनर खरीदके चुनाव लड़त है। चुनाव म गौ माता के नाव ले वोट ल मांगत हे अउ सत्ता मिले के बाद भाजपा के नेता ह बीफ खाय के सलाह देत हे । अइसे भाजपा ले गौ सेवा के उम्मीद ल करना बेमानी हे ।

प्रदेस कांग्रेस अध्यक्ष मोहन मरकाम ह किहीन कि जेन राज्य म भाजपा के सरकार हे, उहाँ आज तक पशुधन बर कोनो योजना नई बने हे। उहाँ गौ वंश पशुधन सड़क म भटकत हे। ओखर रहे अउ खाय के कोनो प्रबंध ल नई करे गीस। पशुधन के चारागाह जमीन म घलो भाजपा के नेता अउ ओखर समर्थक ह कब्जा कर लेहे ।

छत्तीसगढ़ म 15 बछर तक भाजपा के सरकार रिहीस, ओ दउरान भाजपा अउ आरएसएस ले जुड़े मनखे मन ह गौ सेवा के नाव ले सरकारी अनुदान लेत रिहीन अउ डकार जात रिहीन । (chhattisgarh ) भाजपा नेता के शगुन ह गौशाला म हजारो गाय के निर्मम हत्या, भूख, प्यास ले होगे रिहीस । गायो के हाड मांस ल बेचे बर भाजपा नेता ह गाय ल भूखा रखीन, ओमन ल पानी में डुबोय रिहीस।

प्रदेस कांग्रेस अध्यक्ष मोहन मरकाम ह किहीन कि भाजपा के राष्ट्रीय उपाध्यक्ष अउ (chhattisgarh ) पूर्व मुख्यमंत्री डॉ. रमन सिंह ह बताएं कि भाजपा शासित राज्य मध्यप्रदेश, उत्तर प्रदेश, गुजरात, हरियाणा समेत भाजपा शासित राज्य म छत्तीसगढ़ के तरह कतना गोठान के निर्माण करे हे ? पशुधन के रहे, खाय के का प्रबंध करे गेहे। ? पशुपालक मन के लाभ बार का योजना ल बनाय गेहे ?