chhattisgarh के अमनज्योति ल मिलही राष्ट्रीय बाल वीरता पुरस्कार, भारतीय बाल कल्याण परिसद ह करीन घोसना
जय जोहार। छत्तीसगढ़ (chhattisgarh ) के अमनज्योति जाहिरे ल राष्ट्रीय बाल वीरता पुरस्कार बछर 2021 प्रदान करे जाही । भारतीय बाल कल्याण परिसद नई दिल्ली ह कोरबा जिला निवासी अमन ज्योति के चयन ल ए पुरस्कार बर करे हे। मुख्यमंत्री भूपेश बघेल, महिला अउ बाल विकास अनिला भेंड़िया ह साहसी अमनज्योति के चयन राष्ट्रीय पुरस्कार बर होय म ओला बधाई अउ सुभकामना दीन हे।
उल्लेखनीय हे कि (chhattisgarh ) साहसिक कार्य अउ बहादुरी बर लईका मन ल नगद रासि समेत प्रमाण पत्र के संग भारतीय बाल कल्याण परिसद डहार ले हरेक बछर ये पुरस्कार ल प्रदान करे जात हे । कोविड परिस्थिति ल धियान म रखत हुये ये राष्ट्रीय पुरस्कार ल प्रदान करे के तिथि के घोसना ल बाद म करे जाही ।
बता देन कि अमनज्योति ल ओखर डहार ले करे साहसिक कार्य बर हाल ही म छत्तीसगढ़ (chhattisgarh ) राज्य बाल कल्याण परिसद ह राज्य वीरता पुरस्कार ले घलो सम्मानित करे रिहीन। राज्यपाल सुश्री अनसुईया उईके ह गणतंत्र दिवस के अवसर म रईपुर म आयोजित मुख्य समारोह अउ राजभवन म बहादुर लईका मन ल सम्मानित करे रिहीन।
