chhattisgarh : सीएम भूपेश बघेल ह आज जाही बिलासपुर के दौरा म, तिफरा फ्लाईओव्हर के करही लोकार्पण, पढ़व

जय जोहार। (chhattisgarh) मुख्यमंत्री भूपेश बघेल ह आज बिलासपुर के दौरा म जाही। ए दउरान सीएम श्री बघेल ह उहाँ आयोजित कई ठीन कारीकरम म सामिल होही।

निर्धारित कारीकरम के अनुसार (chhattisgarh) सीएम श्री बघेल ह रईपुर ले मंझनिया दोपहर 1.30 बजे हेलीकॉप्टर डहार ले रवाना होही अउ 1.55 बजे बिलासपुर पहुंचही। सीएम ह उहाँ 2 बजे तिफरा फ्लाईओव्हर के लोकार्पण करही । एखर बाद मुख्यमंत्री श्री बघेल ह मंझनिया 2.15 बजे बिलासपुर के राजीव गांधी चौक म पूर्व प्रधानमंत्री भारत रत्न स्वर्गीय राजीव गांधी के प्रतिमा म माल्यार्पण करही।

सीएम श्री बघेल मंझनिया 2.25 बजे बिलासपुर म प्लेनेटोरियम के लोकार्पण करही अउ स्कूली लईका मन के संग संवाद करही । (chhattisgarh) मुख्यमंत्री मंझनिया 2.45 बजे लाल बहादुर शास्त्री स्कूल मैदान म आयोजित कारीकरम म कई ठीन विकास काम के लोकार्पण अउ सिलान्यास करे के बाद संझा 4.05 बजे बिलासपुर ले हेलीकॉप्टर डहार ले रवाना होके 4.30 बजे रईपुर लहुट आही ।