chhattisgarh : मंत्री डॉ. शिव डहरिया ह 1093 हितग्राही मन ल 61 लाख रुपिया के ऑनलाइन चेक के करीन वितरण
जय जोहार । (chhattisgarh) राजिम माघी पुन्नी मेला म शनिवार के श्रम अउ नगरीय प्रसासन मंत्री डॉ. शिव डहरिया ह 1093 हितग्राही मन ल श्रम विभाग के कई ठीन योजना म 61 लाख रुपिया के ऑनलाइन चेक वितरण करीन । ए मउका म वो हा किहीन कि राज्य म गरीब मजदूर अउ श्रमिक मन बर कई ठीन योजना संचालित हे, जेन मिशाल हे।
वो हा किहीन कि राज्य सराकर ह गढ़बो नवा छत्तीसगढ़ (chhattisgarh) के ध्येय मंत्र ल लेके काम करत हे। श्रम विभाग में म जन्म ले लेके मृत्य तक के योजना संचालित हे। श्रमिक मन के हित बर राज्य सरकार ह प्रतिबद्ध है। डॉ. डहरिया ह किहीन कि स्वच्छता के रैंकिग म सरलग तीसर बछर राज्य ह प्रथम स्थान हासिल करीन हे । वो हा सरकार के योजना स्वामी आत्मानंद स्कूल, कर्ज माफी, बिजली बिल हॉफ, सिंचाई टैक्स मॉफ अउ आन योजना के बारे म विस्तार ले जानकारी दीन।
(chhattisgarh) ए अवसर म जनपद पंचायत अध्यक्ष पुष्पा जगन्नाथ साहू, जिला पंचायत सदस्य मधुबाला रात्रे, नवापारा नपा उपाध्यक्ष चतुर जगत, ताराचंद मेघवानी, विकास तिवारी, आनंद मतावले, सुनील तिवारी, मुन्ना कुर्रे, सुघ्घरमल आड़े, मंगराज सोनकर, धनेश्वरी डांडे उपस्थित रिहीन ।
