mahasamund : कांग्रेस के होइन बइठक, कांग्रेसी डिजिटल सदस्यता अभियान ल लेके करीन चर्चा, पढ़व
जय जोहार । (mahasamund ) प्रदेश कांग्रेस कमेटी के अध्यक्ष मोहन मरकाम के निर्देस म आने-आने विधानसभा म कांग्रेसी डिजिटल सदस्यता ल मजबूती प्रदान करे बर महासमुंद विधानसभा के कांग्रेस जन मन के बइठक महासमुंद म होइन हे, ए बइठक ह संसदीय सचिव विधायक विनोद सेवनलाल चंद्राकर, जिलाध्यक्ष डॉ.रश्मि चंद्राकर,छत्तीसगढ़ डिजिटल सदस्यता प्रभारीअमरजीत चावला, महासमुंद विधानसभा डिजिटल सदस्यता अभियान के प्रभारी अजय नंद के आतिथ्य म होय हे।
(mahasamund ) ए अवसर म महिला आयोग के सदस्य डॉ. अनिता रावटे, प्रदेस कांग्रेस कमेटी के सचिव नरेंद्र दुबे, जनपद अध्यक्ष यतेन्द्र साहू, बसना डिजिटल सदस्यता अभियान के प्रभारी दाऊलाल चन्द्राकर ह सदस्यता ल मजबूत कर बूथ ल फतह करे के गुर ल सिखाइन हे।
(mahasamund ) विधायक विनोद सेवनलाल चंद्राकर ह किहीन कि छत्तीसगढ़ के कांग्रेस के भूपेश सरकार ह हरेक वर्ग ल धियान म रखके सेवा करत हे , ओखर ले मनखे मन म कांग्रेस के संग जोड़के काम करे के ललक पैदा होवत हे, एखर परिणाम हमन ल सदस्यता अभियान म देखे ल मिलत हे। गांव-गांव अउ सहर के वार्ड म मतदाता मन के विश्वास ह कांग्रेस की ओर बी बाढ़त हे। परिणाम स्वरूप मनखे मन ह स्वयं कांग्रेस के सदस्यता ल ग्रहण करत हे।
