chhollywood : छत्तीसगढ़ी फिलीम मार डारे मया मा अमेरिका म 2 अप्रैल के होही रिलीज़

जय जोहार। (chhollywood) गजेन्द्र श्रीवास्तव प्रोडक्शन म बने छत्तीसगढ़ी फिलीम मार डारे मया मा अमेरिका म प्रदर्सित होवइया हे | छत्तीसगढ़ी फिलीम इंडस्ट्री म पहला घांव होवत हे कि कोनो छतीसगढ़ी फ़िलिम देस के बाहर सिनेमा घर म प्रदर्सित होही।

फिलीम के निर्माता गजेंद्र श्रीवास्तव ह बताइन कि ओखर फिलीम मार डारे माया मा 8 अप्रैल के (chhollywood) छत्तीसगढ़ म लगभग 20 सहर के 25 स्क्रीन म एक संग रिलीज़ होही। ये फिलीम छत्तीसगढ़ ले पहले 2 अप्रैल के नॉर्थ अमेरिका छत्तीसगढ़ असोसिएशन (नाचा) के सहयोग ले अटलांटा जॉर्जिया अमेरिका म रिलीज होवइया हे। एखर बाद सैन फ्रांसिस्को अउ न्यू जर्सी म घलो ए फिलिम ल रिलीज़ करे जाही। ए फिलीम के अमेरिका म वितरण दुबेस् इंटरटेनमेंट डहार ले करे जात हे , जेन छत्तीसगढ़ी फिलीम के अभिनेता मनीष दुबे के अमेरिकन कंपनी हे ।

नाचा के अध्यक्ष गणेश कर ह बताइन कि फिल्म मार डारे मया म के (chhollywood) प्रीमियर शो ल लेके अमेरिका म रहवइया छत्तीसगढ़िया बड़ अकन उत्साहित हे । अमेरिका के रोसमेल सहर के डीजीमेक्स थिएटर म ए फिलीम ल 2 अप्रैल के प्रदर्सित करे जाही। फिलीम मार डारे माया म के डायरेक्टर मनीष मानिकपुरी अउ मुख्य भूमिका म अनुज शर्मा अउ लिप्सा मिश्रा नजर आही, जबकि खलनायक के रूप म सुनील तिवारी हे। फिलीम म क्रांति दिक्षित, पूरन किरी, पुष्पेन्द्र सिंह, अंजलि सिंह चौहान, योगेश अग्रवाल कलाकार हे।