chhattisgarh : मुख्यमंत्री ह नव संवत्सर, चैत्र नवरात्रि, गुड़ी पड़वा अउ चेट्रीचंड्र के दीन हे सुभकामना

जय जोहार। (chhattisgarh ) मुख्यमंत्री भूपेश बघेल ह प्रदेस वासी मन ल नव संवत्सर, चैत्र नवरात्रि, गुड़ी पड़वा अउ चेट्रीचंड्र के हार्दिक बधाई अउ सुभकामना दीन हे। वो हा ए अवसर म सबो नागरिक मन बर सुख-समृद्धि अउ खुसहाली के कामना करीन हे ।

मुख्यमंत्री ह किहीन कि 2 अप्रैल ले हिन्दू नववर्ष, नव संवत्सर अउ चैत्र नवरात्रि प्रारंभ होवत हे , ए दिन बैसाखी, गुड़ी पड़वा अउ चेट्रीचंड के तिहार घलो मनाये जाही । (chhattisgarh ) चैत्र नवरात्रि के तिहार शक्ति के उपासना के तिहार हे , जेला छत्तीसगढ़ म बड़का श्रद्धा अउ भक्ति के संग मनाये जात हे । माता भगवती छत्तीसगढ़ म मां शीतला, दंतेश्वरी, महामाया, बम्लेश्वरी, कंकाली, गंगा मैया, बिलईमाता, चंद्रहासिनी देवी अउ दूसर स्वरूप म विराजमान हे ।