chhattisgarh : मुख्यमंत्री ह बस्तर वासी मन ल 104 करोड़ रुपिया ले जादा के विकास काम के दीन हे सौगात

जय जोहार । (chhattisgarh) मुख्यमंत्री भूपेश बघेल ह आज बस्तर प्रवास के दउरान बस्तर वासी मन ल 104 करोड़ रुपिया ले जादा के विकास काम के सौगात दीन। वो हा नगर पंचायत बस्तर के लाल बहादुर शास्त्री स्टेडियम म आयोजित सिरहा-गुनिया सम्मेलन म 70 करोड़ रुपिया के लागत के17 ठीन काम के लोकार्पण अउ लगभग 34 करोड़ 33 लाख रुपिया के विकास काम के भूमिपूजन करीन । एखर संगेसंग बस्तर नगर पंचायत क्षेत्र के 11 हितग्राही मन ल व्यक्तिगत वन अधिकार पत्र प्रदान करीन अउ मुख्यमंत्री कन्या विवाह योजना के तहत इहां 151 नवविवाहित जोड़ा ल आर्शीवाद प्रदान करीन ।

(chhattisgarh) मुख्यमंत्री श्री बघेल ह लगभग 3 करोड़ 4 लाख रुपिया के लागत ले कचनार ले चोलनार तक निर्मित 4.9 किलोमीटर लंबा सड़क, लगभग 2 करोड़ 18 लाख रुपिया के लागत ले पाहुरबेल से उड़ियापाल तक निर्मित 4.5 किलोमीटर लंबा सड़क, लगभग 2 करोड़ 63 लाख रुपिया के लागत ले मंगनार ले तोंगकोेंगेरा तक डामरीकृत 4 किलोमीटर लंबा सड़क, लगभग 2 करोड़ 22 लाख रुपिया के गुड़िया ले कालागुड़ा तक निर्मित 6.2 किलोमीटर लंबा सड़क, लगभग 2 करोड़ 18 लाख रुपिया के लागत ले नगरनार ले नदीबोड़ना तक निर्मित 5 किलोमीटर लंबा सड़क, लगभग 1 करोड़ 67 लाख रुपिया के लागत ले रायकोट ले सोढ़ीपारा तक निर्मित 4.5 किलोमीटर लंबा सड़क, एक करोड़ 4 लाख रुपिया के लागत ले नानगुर मे निर्मित शासकीय उच्चतर माध्यमिक विद्यालय भवन, 55 लाख रुपिया के लागत ले घाट धनोरा म निर्मित शासकीय हाईस्कूल भवन के लोकार्पण करीन।

ए अवसर म (chhattisgarh) उद्योग मंत्री कवासी लखमा, सांसद दीपक बैज, बस्तर विकास प्राधिकरण के अध्यक्ष लखेश्वर बघेल, संसदीय सचिव रेखचंद जैन, हस्तशिल्प विकास बोर्ड के अध्यक्ष चंदन कश्यप,विधायक चित्रकोट राजमन बेंज़ाम, विधायक दंतेवाडा देवती कर्मा, ऊर्जा विकास बोर्ड के अध्यक्ष मिथलेश स्वर्णकार, मछुआ कल्याण बोर्ड के अध्यक्ष एमआर निषाद, जगदलपुर महापौर सफीरा साहू उपस्थित रिहीन ।