Raipur : मुख्यमंत्री भूपेश बघेल ह दाऊ कल्याण सिंह के जयंती म करीन नमन, पढ़व

जय जोहार । (Raipur) मुख्यमंत्री भूपेश बघेल ह आज अपन निवास कार्यालय म समाज सेवी अउ छत्तीसगढ़ के महान दानवीर दाऊ कल्याण सिंह के जयंती म ओखर चित्र पर पुष्प अर्पित कर ओमन ल नमन करीन । ए अवसर म उद्योग मंत्री कवासी लखमा घलो उपस्थित रिहीन । मुख्यमंत्री श्री बघेल ह किहीन कि छत्तीसगढ़ म दाऊ कल्याण सिंह ह दानशीलता बर प्रसिद्ध हे । दानवीर दाऊ कल्याण सिंह ह दीन-दुखियो के सेवा बर हमेशा तत्पर रहत रिहीन ।

मुख्यमंत्री श्री बघेल ह किहीन कि दाऊ कल्याण सिंह ह रायपुर (Raipur) स्थित डीकेएस अस्पताल के आलावा कई ठीन अस्पताल , पुस्तकालय, कॉलेज, जलाशय जइसे कई काम बर मुक्त हाथ ले कई एकड़ जमीन ल दान कर दीन । एखर ले समाज के हरेक वर्ग ल आसानी ले शिक्षा अउ चिकित्सा सुविधा दे म मदद मिलीन । दाऊ जी के पुण्यकर्म हमेशा ओखर याद दिलात रही ।