chhattisgarh : मुख्यमंत्री भूपेश बघेल ह भारतरत्न डॉ. भीमराव अम्बेडकर के जयंती म करीन नमन
जय जोहार । (chhattisgarh) मुख्यमंत्री भूपेश बघेल ह संविधान निर्माता, स्वतंत्र भारत के पहला विधि अउ न्याय मंत्री भारतरत्न डॉ. भीमराव अम्बेडकर के जयंती म ओखर चित्र म पुष्प अर्पित कर ओमन ल नमन करीन। ए अवसर म नगरीय प्रशासन मंत्री डॉ. शिव कुमार डहरिया अउ उद्योग मंत्री कवासी लखमा घलो उपस्थित रिहीन ।
मुख्यमंत्री श्री बघेल ह किहीन कि बहुआयामी व्यक्तित्व के धनी डॉ. अम्बेडकर ह भारतीय संविधान के प्रारूप समिति के अध्यक्ष रिहीन । (chhattisgarh) वो हा विविधता बर भारत देस ल एक मजबूत अउ लोक हितैषी संविधान दीन , जेखर नींव म भारतीय लोकतंत्र सरलग पल्लवित होवत हे । मुख्यमंत्री श्री बघेल ह किहीन कि बाबा साहब ह समाज म जातिगत भेदभाव के विरूद्ध अभियान चलाइन । दलित ल सम्मान अउ अधिकार दिलाय म ओखर महत्वपूर्ण भूमिका रिहीन ।
वो हा मजदूर अउ महिला मन के अधिकार के घलो वकालत करीन । (chhattisgarh) राज्य सरकार ह बाबा साहब के बताये मार्ग म चलके समाज के कमजोर वर्ग के उत्थान बर कई ठीन योजना संचालित करत हे । वो हा किहीन कि छत्तीसगढ़ सहित पूरा देस म बाबा साहब के लाखों अनुयायी ओखर जन्मदिन ल उत्साह अउ श्रद्धा ले मनात हे ।
