chhattisgarh : मुख्यमंत्री भूपेश बघेल के बड़का फइसला , स्वामी आत्मानंद स्कूल के हरेक कक्षा म अब 50 विद्यार्थी ले सकही प्रवेश

जय जोहार । (chhattisgarh) स्वामी आत्मानंद स्कूल म शिक्षा के गुणवत्ता ल लेके प्रवेश बर भारी मांग ल देखत मुख्यमंत्री भूपेश बघेल ह स्वामी आत्मानंद स्कूल म प्रवेश बर सीट बढ़ाय के निर्देस देहे । मुख्यमंत्री के निर्देस के बाद स्वामी आत्मानंद स्कूल के कक्षा म 50 विद्यार्थी के प्रवेश बार आदेश जारी कर दे गेहे । ए स्कूल म अब तक हरेक कक्षा म 40 लईका मन ल प्रवेश दे जात रिहीन ।

उल्लेखनीय हे कि (chhattisgarh) राज्य म 171 स्वामी आत्मानंद उत्कृष्ट अंग्रेजी माध्यम स्कूल म शिक्षा के गुणवत्ता ल देखत हुये कक्षा 01 ले 12वीं बर लईका मन ल प्रवेश दिलाय बार मनखे मन म जबरदस्त उत्साह हे । मनखे मन के मांग अउ भारी उत्साह ल देखत हुये हरेक कक्षा मे दस सीट बढ़ाय के निर्णय ले गेहे । लोक शिक्षण संचालनालय डहार ले शिक्षा सत्र 2022-23 म हरेक कक्षा म 40 के स्थान म 50 विद्यार्थी के प्रवेश बर निर्देश जारी करे गेहे ।