जय जोहार । (chhattisgarh) मुख्यमंत्री भूपेश बघेल ह आज राजधानी रईपुर म राष्ट्रीय सहकारी सम्मेलन अउ राष्ट्रीय पुरस्कार वितरण समारोह ल सम्बोधित करत किहीन कि सहकारी आंदोलन ल अउ जादा संगठित कर मजबूत बनाय के आवश्यकता हे । देस के आने आने राज्य के सहकारी क्षेत्र के नीति के अच्छाई ल स्वीकार कर अउ सहकारी क्षेत्र के कमी ल दूर कर के आगू बाढ़े जा सकत हे ।
आज ये घलो जरूरत हे कि सहकारी क्षेत्र ल किसान अउ ग्रामीण के आवश्यकता के पूर्ति बर सक्षम बनाये जाये। (chhattisgarh) एखर बर हमन ल सहकारी बैंक ल राष्ट्रीयकृत बैंक के समान ही मजबूत बनाय के जरूरत हे । संगेसंग ए बैंक ले उद्यानिकी अउ कैश क्रॉप बर घलो ऋण दे के व्यवस्था करे जाये ।
वो हा किहीन कि देस के सहकारी आंदोलन के सबले बड़का उद्देश्य किसान मन के ओखर उपज के समर्थन मूल्य दिलाय के होना चाही । (chhattisgarh) अइसे कोसिस होन चाही कि किसान मन ल ओखर उपज के लाभकारी मूल्य मिल सके। किसान मन ल कृषि ऋण, खाद-बीज के उपलब्धता के संग सहकारी क्षेत्र ले अउ जादा योजना ले जोड़े जाना चाही ।
वो हा किहीन कि छत्तीसगढ़ म सहकारिता आंदोलन ल मजबूत बनाय बर कई ठीन उपाय करे गेहे। समर्थन मूल्य म धान खरीदी, राजीव गांधी किसान न्याय योजना, गोधन न्याय योजना, लघुवनोंपज के समर्थन मूल्य म खरीदी, गौठन म महिला समूह डहार ले तैयार वर्मी कम्पोस्ट के विक्रय जइसे आने आने योजना अउ गतिविधि ले सहकारी बैंक ले जोड़े गेहे ।
