जय जोहार । विश्व मलेरिया दिवस म आज केेन्द्रीय स्वास्थ्य अउ परिवार कल्याण मंत्री मनसुख मंडाविया ह नई दिल्ली म छत्तीसगढ़ (chhattisgarh) ल मलेरिया के मामला म गिरावट बर सम्मानित करीन । मलेरिया मुक्त छत्तीसगढ़ अभियान अउ मलेरिया मुक्त बस्तर अभियान के असर ले इहां एपीआई दर म बड़का गिरावट दर्ज करे गेहे । बछर 2018 म जिहां प्रदेस के एपीआई 2.63 रिहीस , ओ हा 2021 म घटके 0.92 म पहुंच गेहे ।
(chhattisgarh) मुख्यमंत्री भूपेश बघेल अउ स्वास्थ्य मंत्री टी.एस. सिंहदेव ह ए उपलब्धि म स्वास्थ्य विभाग अउ राष्ट्रीय स्वास्थ्य मिसन के अधिकारी अउ कर्मचारी के संग ही मितानिन अउ मैदानी स्तर पर काम करत स्वास्थ्य कर्मी ल बधाई दीन हे। वो हा किहीन कि प्रदेस के दुर्गम अउ दूरस्थ क्षेत्र म अभियान के अंतर्गत मनखे मन के मलेरिया जांच अउ उपचार उपलब्ध कराय म मैदानी अमला ह बेहद गंभीरता अउ सक्रियता ले काम करे हे ।
ओखर मेहनत ले छत्तीसगढ़ ल आज ये सम्मान मिले हे । राष्ट्रीय स्वास्थ्य मिसन अउ स्वास्थ्य अउ परिवार कल्याण विभाग के संचालक डॉ. प्रियंका शुक्ला अउ संचालक, महामारी नियंत्रण डॉ. सुभाष मिश्रा ह नई दिल्ली म राज्य सासन डहार ले ये सम्मान ग्रहण करीन ।
Other Articles
