chhattisgarh : ग्रामीण कृषि भूमिहीन मजदूर मन ल मिलही 7 हजार रुपिया के मदद

जय जोहार। (chhattisgarh) मुख्यमंत्री भूपेश बघेल ह आज रामनगर के मनखे मन ले भेंट-मुलाकात के दउरान ग्राम दतिमा के अलाउद्दीन ह राजीव गांधी ग्रामीण कृषि भूमिहीन मजदूर न्याय योजना के तहत छत्तीसगढ़ सरकार डहार ले दो क़िस्त म मिले आर्थिक मदद बर मुख्यमंत्री भूपेश बघेल के आभार जताइन । अलाउद्दीन ह किहीन कि कृषि भूमिहीन परिवार बर छत्तीसगढ़ सरकार के ये योजना एक ठीन सम्बल बन गेहे।

((chhattisgarh)) मुख्यमंत्री ह किहीन कि समाज के गरीब अउ बेसहारा मनखे मन ल न्याय अउ आर्थिक सुरक्षा दे के उद्देश्य ले राजीव गांधी ग्रामीण कृषि भूमिहीन मजदूर न्याय योजना सुरू करे गेहे । वो हा किहीन कि ए योजना के तहत राज्य के ग्रामीण क्षेत्र के साढ़े तीन लाख ले जादा कृषि भूमिहीन परिवार मन ल 6 हजार रुपिया के वार्षिक मदद दे जात रिहीन , अब एला बढ़ाके 7 हजार रुपिया प्रति परिवार प्रति बछर कर दे गेहे ।

मुख्यमंत्री ह किहीन कि ए योजना के नवा प्रावधान के तहत अब पंजीकृत परिवार मन ल रासि दे जाही । ((chhattisgarh)) योजना के तहत पहला क़िस्त के रासि 3500 रुपिया शीघ्र जारी करे जाही। उल्लेखनीय हे कि राजीव गांधी किसान न्याय योजना के तहत बीते वित्तीय बछर म ग्रामीण कृषि भूमिहीन मजदूर परिवार ल 226 करोड़ 18 लाख रुपिया के आर्थिक मदद देगे रिहीस ।