chhattisgarh के योजना के होवत हे देसव्यापी सराहना- कांग्रेस

जय जोहार। छत्तीसगढ़ (chhattisgarh) म भूपेश सरकार के योजना के देस भर म प्रसंसा होवत हे। प्रदेस कांग्रेस प्रवक्ता सुरेन्द्र वर्मा ह किहीन कि कांग्रेस के राष्ट्रीय नेता राहुल गांधी ह तेलंगाना के बाद गुजरात के रैली म छत्तीसगढ़ सरकार के योजना के जमके तारीफ करीन हे । कांग्रेस नेता राहुल गांधी ह गुजरात के दाहोड म आदिवासी सत्याग्रह रैली ल संबोधित करत हुये किहीन कि मोदी के गुजरात मॉडल फेल हो गेहे। आज देस के सामने कांग्रेस सामिल छत्तीसगढ़ मॉडल हे ।

वो हा स्वामी आत्मानंद स्कूल योजना के तारीफ करत हुये किहीन कि कांग्रेस सरकार ह छत्तीसगढ़ (chhattisgarh) म गुणवत्ता युक्त सरकारी अंग्रेजी माध्यम के स्कूल खोलके गरीब मन बर मुफत शिक्षा के व्यवस्था ल करीन हे । आत्मानंद स्कूल ल प्रदेस भर म खोले गेहे ।

एखर पहले राहुल गांधी ह तेलंगाना के वारंगल म रैली ल संबोधित करत हुये छत्तीसगढ़ सरकार के किसान ऋण माफी अउ छत्तीसगढ़ के किसान मन ले 2500 रुपिया म खरीदे जावत धान योजना क्र तारीफ करत हुये किहीन कि पूरा देस म छत्तीसगढ़ ह अकेला अइसे राज्य हे । जिहां किसान मन ले धान 2500 रुपिया म खरीदे जात हे ।