Tripura: माणिक साहा ह लीन हे नवा सीएम के रूप म शपथ, पढ़व

जय जोहार। (Tripura) माणिक साहा ह त्रिपुरा के नवा सीएम बन गेहे । राज्यपाल सत्यदेव नारायण राय ह ओमन ल राजभवन म शपथ दिलाइन हे । शपथ ग्रहण समारोह म पूर्व सीएम बिप्लब देब समेत कई नेता शामिल होइन। शनिवार के बिप्लब देब के इस्तीफे के बाद साहा ल मुख्यमंत्री के आधिकारिक आवास म एक ठीन बइठक म विधायक दल के नेता चुने रिहीन।

शपथ ग्रहण के बाद (Tripura) सीएम माणिक साहा ह किहीन कि भाजपा अउ पीएम मोदी के जेन विकास के मुददा हे, ओमन ल लेके आगू बाढ़ही । कानून व्यवस्था ल अउ बेहतर करे जाही । त्रिपुरा वासी मन के समस्या के सबो के संग बात कर के समाधान करही ।

माणिक साहा ह त्रिपुरा बीजेपी के अध्यक्ष हे अउ राज्यसभा सांसद घलो हे । साहा ह 2016 म कांग्रेस छोड़के बीजेपी म शामिल होय रिहीन। ओमन ल 2020 म पार्टी प्रमुख बनाय गीस अउ इही बछर मार्च म राज्यसभा बर चुने गये रिहीन ।