chhattisgarh : मजबूत इरादा ले मूकबधिर एवन्ती ह लिखीन अपन तकदीर, पढ़व
जय जोहार। (chhattisgarh ) कुछु मनखे अपन मजबूत इरादा ले अपन तकदीर ल लिखत हे । अइसे मनखे मन म ले एक कोण्डागांव के मर्दापाल के तीर बसे नक्सलप्रभावित गांव बादालूर के दिव्यांग एवन्ती विश्वकर्मा घलो हे । बोले अउ सुने म असमर्थ एवंती ह अपन मेहनत ले स्वावलंबन के राह तय करे हे । अब एवन्ती ह सिलाई ल सीख के अपन पैर म खड़े हो गेहे । राज्य सरकार डहार ले संचालित गारमेंट फैक्टरी म काम कर एवन्ती ह अपन दिव्यांगता ल घलो मात दे देहे ।
एवन्ती के पिता मंगू विश्वकर्मा ह बताइन कि 20 बछर के एवन्ती बचपन ले ही सुन अउ बोल नई पात हे , एखर सेती ओखर शिक्षा बड़ अकन कठिन होगे रिहीस। एवन्ती ह अपनी शारीरिक कमी ल कभू खुद म हावी होय ल नई देहे । एवन्ती के आंख म हमेशा अपन पैर म खड़े होय के सपना रहत रिहीस । एवन्ती ह दसवीं के पढ़ाई ल पूरा करे के बाद अपन परिजन अउ शिक्षक ले आत्मनिर्भर बने के इच्छा ल जाहिर करीन । वो हा एवन्ती ल कलेक्टर जनदर्शन म जाके रोजगार बर निवेदन करे के सलाह दीन । एवन्ती के अक्टूबर 2021 म आवेदन करे म कलेक्टर पुष्पेन्द्र कुमार मीणा ह आजीविका मिशन के सहायक परियोजना अधिकारी पुनेश्वर वर्मा ल ओला गारमेंट फैक्ट्री म काम करवाय के निर्देश दीन ।
पुनेश्वर वर्मा ह बताइन कि गारमेंट फैक्ट्री खुलत ही एवन्ती ले सम्पर्क कर ओला क्वालिटी टेस्टिंग के संग स्टीचिंग के प्रशिक्षण दे गीस। सबले बड़का समस्या एवन्ती के सुने अउ बोले के दिक्कत के सेती रिहीस । अइसे म फैक्ट्री के आन लड़की अउ ट्रेनर ह ओला पूरा सहयोग करीन । ओ हा रोज बिहनिया घर के काम ल कर फैक्ट्री जावत रिहीन । धीरे-धीरे ओ हा अपन काम म प्रवीण हो गीस ।
