mahasamund : सांसद चुन्नी लाल साहू ह सामुदायिक भवन निर्माण काम के करीन भूमिपूजन, किहीन – गरीब मन के हित म काम करत हे केंद्र सरकार
जय जोहार। (mahasamund) ग्राम अमलोर म मंगलवार के महासमुन्द सांसद चुन्नीलाल साहू ह 10 लाख के सामुदायिक भवन निर्माण काम के भूमिपूजन करीन। कारीकरम के अध्यक्षता ल नगर पंचायत अध्यक्ष राकेश चन्द्राकर ह करीन । विशेष अतिथि भाजपा मंडल अध्यक्ष पप्पू पटेल , जनपद सदस्य अजय मंगल ध्रुव अउ ग्राम सरपंच रूपा जय प्रकाश यादव रिहीन ।
ए अवसर म मुख्य अतिथि (mahasamund) सांसद चुंन्नी लाल साहू ह किहीन कि केंद्र के मोदी सरकार ह गांव के गरीब मनखे के हित ल धियान म रखके काम करत हे अउ निरंतर ओमन ल लाभ दिलाय बर प्रतिबद्ध हे । प्रधानमंत्री नरेंद्र मोदी के संग सबो सांसद अपन अपन क्षेत्र म विकास करे म लगे हे । वर्तमान केंद्र सरकार ह देस ल आत्मनिर्भर भारत बनाय म अपन महत्वपूर्ण भूमिका ल निभाइन हे । हरेक वर्ग के मनखे मन के मूलभूत सुविधा के चिंता हमर मन के देस के मुखिया ह करे हे।
(mahasamund) ए कारीकरम म ग्राम प्रमुख रामप्रसाद ध्रुव ,बाबूराम ध्रुव, सुखीराम हिरवानी ,दुलरुवा धीवर ,डॉ सोहन साहू ,दिलीप ध्रुव ,ओस राम ध्रुव , ललित मानिकपुरी ,नेमचंद जायसवाल , भगत ध्रुव , गैंद राम यादव ,दसरथ महोबिया ,मनोहर पटेल ,बृजमोहन उपस्थित रिहीन ।
