mahasamund : किसान मन ल ए बछर मिलही धान के समर्थन मूल्य 2640 रुपिया, संसदीय सचिव ह भूपेश सरकार ल बताइन किसान हितैषी सरकार
जय जोहार। (mahasamund ) संसदीय सचिव अउ विधायक विनोद सेवनलाल चंद्राकर ह किहीन कि ए बछर किसान मन ल 2640 रुपिया हरेक क्विंटल धान के समर्थन मूल्य मिलही। धान के समर्थन मूल्य म सौ रुपिया के बढ़ोत्तरी करे गेहे। लिहाजा प्रोत्साहन रासि ल मिलाके किसान मन ल ए बछर धन के हरेक क्विंटल 2640 रुपिया मिलही ।
संसदीय सचिव अउ विधायक श्री चंद्राकर ह बताइन कि केंद्रीय मंत्री परिषद डहार ले खरीफ फसल के न्यूनतम समर्थन मूल्य बढ़ाय जाय ले धान के कीमत म सौ रुपिया प्रति क्विंटल के इजाफा होय हे । एखर ले अब किसान मन ल ए बछर हरेक क्विंटल 2640 रुपिया मिलही । अवइया बछर किसान मन ल करीब 2800 रूपिया मिले के संभावना है।
वो हा किहीन कि मुख्यमंत्री भूपेश बघेल के राज म किसान मन ल कोनो प्रकार ले चिंता करे के जरूरत नई हे । कांग्रेस के सरकार चौबीस घंटा हर स्थिति म किसान के साथ हे । भूपेश सरकार ल किसान हितैषी सरकार बतात हुये वो हा किहीन कि केंद्र सरकार के अड़ंगा के बावजूद किसान मन के धान 2500 रुपिया के दर ले खरीदत हन। सरकार बनत ही किसान मन के कर्जा ल माफ करे गीस, जेखर ले प्रदेस के लाखों किसान लाभान्वित होइन ।
वो हा किहीन कि (mahasamund ) महासमुंद विधानसभा क्षेत्र म ही तीन बछर के कार्यकाल म कोसरंगी, अचानकपुर, अछोला, डूमरपाली, बड़गांव अउ सराईपाली झलप म नवा धान खरीदी केंद्र प्रारंभ करे गेहे । वो हा किहीन कि मुख्यमंत्री भूपेश बघेल के नेतृत्व म राज्य सरकार के किसान हितैषी फइसला ले अब खेती-किसानी लाभकारी व्यवसाय बन गेहे ।
