chhattisgarh : इंडिया फर्स्ट टेक स्टार्टअप कॉनक्लेव म छत्तीसगढ़ के चार स्टार्टअप ल मिलीन हे अवार्ड, मुख्यमंत्री अउ उद्योग मंत्री ह दीन बधाई
जय जोहार। इंडिया फर्स्ट टेक स्टार्टअप कॉनक्लेव बेंगलुरू म छत्तीसगढ़ (chhattisgarh) राज्य के स्टार्टअप ह सानदार प्रदर्सन करत हुये आने आने 4 केटेगरी म बेस्ट स्टार्टअप के अवार्ड प्राप्त करे हे । मुख्यमंत्री भूपेश बघेल अउ उद्योग मंत्री कवासी लखमा ह राज्य के अवार्ड प्राप्त करइया सबो स्टार्टअप कम्पनी अउ उद्योग विभाग के अधिकारी मन ल बधाई अउ सुभकामना दीन हे । गौरतलब हे कि स्टार्टअप कम्पनी ल प्रोत्साहित करे बर 8 अउ 9 जून के ऑल इंडिया काउंसिल फॉर रोबोटिक्स एंड ऑटोमेसन डहार ले बेंगलुरू म ए कॉनक्लेव के आयोजन ल करेगे रिहीन ।
उद्योग विभाग से मिले जानकारी के अनुसार बेंगलुरू म आयोजित कॉनक्लेव म छत्तीसगढ़ (chhattisgarh) के स्टार्टअप ल इमोबिलिटी वर्ग म स्मार्ट यात्री प्राइवेट लिमिटेड, महिला वर्ग म ग्रीनफील्ड इकोसोल्यूसंस प्राइवेट लिमिटेड, एग्रीटेक वर्ग म सिद्धार्थ एग्रो मार्केटिंग एंड लॉजिस्टिक्स प्राइवेट लिमिटेड अउ ब्लॉकचेन टेक्नोलॉजी वर्ग म प्रॉमिनेंट इनोवेसन लैब प्राइवेट लिमिटेड ल बेस्ट स्टार्टअप के अवार्ड प्रदान करे गेहे गया। स्टार्टअप इनक्यूबेसन बर इंदिरा गांधी कृषि विश्वविद्यालय – रबी ल सर्वश्रेष्ठ इनक्यूबेसन सेंटर के रूप म सम्मानित करे गेहे ।
कॉनक्लेव म वाणिज्य अउ उद्योग विभाग छत्तीसगढ़ (chhattisgarh) सासन डहार ले संयुक्त संचालक संजय गजघाटे ह छत्तीसगढ़ राज्य म स्टार्टअप इकोसिस्टम अउ विभाग डहार ले प्रदान करे जावत आने आने अनुदान के बिसय म विस्तृत जानकारी दीन अउ निवेसक ल राज्य म स्टार्टअप स्थापित करे ले अउ निवेस बर आमंत्रित करीन।
