Basna : अरेकेल म रामायण कथा म सामिल होइन हे डॉ. सम्पत अग्रवाल, भगवान श्रीराम के पूजा अउ अर्चना कर ग्रामवासी मन के खुसहाली के करीन कामना

जय जोहार । (Basna) ग्राम अरेकेल म दू दिन के रामायण कथा के आयोजन रखे गेहे । ए कारीकरम म नीलांचल सेवा समिति के संस्थापक अउ नगर पंचायत के पूर्व अध्यक्ष डॉ. सम्पत अग्रवाल सामिल होइन हे। ए दउरान वोहा मर्यादा पुरुषोत्तम भगवान श्रीराम के पूजा-अर्चना कर ग्रामवासी मन के खुसहाली के कामना करीन। उहें आयोजक समिति ह डॉ. सम्पत अग्रवाल के श्रीफल, चन्दन-वंदन, पुष्पहार अउ अंगवस्त्र ले स्वागत-सम्मान करीन ।

(Basna) ए अवसर म डॉ.सम्पत अग्रवाल ह किहीन कि जिहां रामायण कथा आयोजित करे जात हे, उहां प्रभु श्रीराम के कृपा सदैव रहत हे । रामचरित मानस के हरेक चौपाई आप मन ल कोनो न कोनो रूप म लाभ पहुंचात हे। रामचरित मानस के चौपाई ह कई ठीन मंत्र के जाप के बराबर फल प्रदान करत हे । वो हा नीलांचल सेवा समिति के तत्वावधान म करे जात जनसेवा के काम नीलांचल निसुल्क एंबुलेंस सेवा, निसुल्क उपचार सेवा, स्वास्थ्य सिविर, नेत्र जांच सिविर, रक्तदान सिविर, सांस्कृतिक कारीकरम के आयोजन के बारे म बताइन हे।

ए अवसर म (Basna) नीलांचल बंसुला सेक्टर प्रभारी उपेंद्र साव, कार्यालय प्रभारी प्रताप साव,मायाधर दास महाराज, अध्यक्ष सहनी सिदार, पूर्व सरपंच शिव डडसेना,हरिराम डडसेना, बृजलाल चौहान, बिहारी साव,नंद कुमार साव,निलाम्बर सिदार, मोहन सिदार, विपिन साव, रामसिंग सिदार, उमेश सिदार, हेमसागर साव, दीपसागर, गणेशराम चौहान,सहनु तांडी, बोधराम पटेल,जोगेन्द्र यादव, कैलाश प्रधान, स्तुति बालिका मानस पार्टी अंकोरी (झलप), सोनिया साहू,रूपा नागवंशी उपस्थित रिहीन।