corona : देस म 24 घंटा म मिले हे कोरोना के 8082, 10 मरीज के होगे मउत

जय जोहार। (corona ) देस म बीते 24 घंटा म कोरोना के 8082 ले जादा मरीज सामने आय हे। जबकि इलाज के दउरान 10 मरीज के मउत हो गेहे। देश म कोरोना मरीज के संख्या ह सरलग तीसरइया दिन 8 हजार ले जादा पहुंच गेहे । 10 जून के कोरोना के 8,328 मरीज अउ 11 जून 8,582 मामला मिले रिहीन।

केंद्रीय स्वास्थ्य मंत्रालय ले जारी आकड़ा के मुताबिक देस म 24 घंटा म कोरोना (corona ) के 8082 नवा मरीज मिले हे। एला मिलाके देस म कोरोना संक्रामित मन के संख्या 4 करोड़ 32 लाख ले जादा हो गेहे। जेमा ले 46 हजार ले जादा एक्टिव मामला हे।

उहें (corona ) 4 करोड़ 26 लाख ले जादा मरीज ह कोरोना ल मात दे देहे, जेखर बाद ओमन ल अस्पताल ले छुट्टी दे दे गेहे। ए वायरस ले देस म अब तक 5 लाख 24 हजार मनखे मन के मउत हो गेहे ।