chhattisgarh म 24 घंटा म बाढ़गे कोरोना के 385 नवा मामला, रईपुर म घलो 69 संक्रमित

जय जोहार। (chhattisgarh ) छत्तीसगढ़ म कोरोना संक्रमित मन के संख्या ह सरलग बाढ़त जात है। प्रदेस म 24 घंटा म कोरोना के 385 नवा मरीज के पहचान होय हे। उहें 162 मरीज ल ठीक होय के बाद अस्पताल ले छुट्टी दे दे गेहेजबकि इलाज दउरान 1 मरीज के जान चले गेहे।

(chhattisgarh ) प्रदेस म जेन कोरोना के नवा मरीज मिले हे, ओमा दुर्ग ले 53, राजनांदगांव ले 38, बालोद ले 18, बेमेतरा ले 26, कबीरधाम ले 3, रईपुर ले 69, धमतरी ले 4, बलौदाबाजार ले 17, महासमुंद ले 9, गरियाबंद ले 2, बिलासपुर ले 27, रायगढ़ ले 15, कोरबा ले 24, जांजगीर- चांपा ले 22, मुंगेली ले 11, गौरेला-पेंड्रा-मरवाही ले 1, सरगुजा ले 5, कोरिया ले 7, सूरजपुर ले 8, बलरामपुर से 12, जशपुर ले 5, बस्तर ले 4, दंतेवाड़ा ले 1, कांकेर ले 4 सामिल हे।

बता देन कि (chhattisgarh ) प्रदेस म कोरोना संक्रमित मरीज मन के संख्या 11 लाख 56 हजार 904 होगे हे, जेमा ले 1900 एक्टिव मामला हे। उहें 11 लाख 40 हजार 959 मरीज ल बने होय के बाद अस्पताल ले छुट्टी दे दे गे हे, ए वायरस ले प्रदेस म अब तक 14045 मरीज के मउत हो गेहे।