Raipur : स्वामी विवेकानंद जी ह करीन जिनगी भर युवा मन ल आघू बढ़े बर प्रेरित : भूपेश बघेल

जय जोहार । (Raipur) मुख्यमंत्री भूपेश बघेल ह किहीन कि स्वामी विवेकानंद ह जिनगी भर युवा मन ल अच्छा स्वास्थ अउ अच्छा चरित्र निर्माण के संग लक्ष्य निर्धारित कर आघू बढ़े बर प्रेरित करीन । स्वामी विवेकानंद ह युवा मन के आदर्स हे । वो हा किहीन कि छत्तीसगढ़ के राजधानी रायपुर म स्वामी विवेकानंद जी के स्मृति म बनइया राष्ट्रीय स्मारक अब तक स्थापित ओखर सभी स्मारक ले कोनो बात म कम नई होही । मुख्यमंत्री श्री बघेल आज रायपुर के कोटा स्थित विवेकानंद विद्यापीठ म आयोजित ’विवेकानंद राष्ट्रीय युवा सम्मेलन’ ल संबोधित करत रिहीन ।

कार्यक्रम म जानकारी दे गेहे कि (Raipur) स्वामी विवेकानंद के अमेरिका म तीन ठीन अउ भारत म 12 ठीन स्मारक हे । रायपुर म बनइया स्मारक स्वामी विवेकानंद के 16वां स्मारक होही । मुख्यमंत्री ह सम्मेलन म उपस्थित रामकृष्ण मिशन अउ विवेकानंद विद्यापीठ के पदाधिकारी, सम्मेलन के अतिथि ले रायपुर म स्थापित होवइया स्मारक के स्वरूप के संबंध म सुझाव दे के आग्रह करीन।

मुख्यमंत्री ह एखर पहले स्वामी विवेकानंद के चित्र के समक्ष दीप प्रज्ज्वलित कर ओमन ल नमन करीन अउ आजादी के अमृत महोत्सव के तहत आयोजित ए राष्ट्रीय सम्मेलन के सुभारंभ करीन । कार्यक्रम के अध्यक्षता ल श्री रामकृष्ण आश्रम, राजकोट के अध्यक्ष श्रीमत् स्वामी निखिलेश्वरानंद जी ह करीन । विवेकानंद विद्यापीठ, रायपुर डहार ले संस्कृति विभाग के सहयोग ले सम्मेलन का आयोजन करे गेहे ।