chhattisgarh : मुख्यमंत्री ह पूर्व राष्ट्रपति डॉ. कलाम के पुण्यतिथि म करीन नमन

जय जोहार। (chhattisgarh ) मुख्यमंत्री भूपेश बघेल ह पूर्व राष्ट्रपति अउ महान वैज्ञानिक भारतरत्न डॉ. ए.पी.जे. अब्दुल कलाम ल ओखर पुण्यतिथि 27 जुलाई म नमन करीन हे । राष्ट्र बर ओखर योगदान ल याद करत हुये सीएम श्री बघेल ह किहीन कि बचपन म कठिन परिस्थिति के बावजूद डॉ. कलाम ह अभूतपूर्व सफलता हासिल करीन अउ भारत के सर्वोच्च पद तक पहुंचीन।

वो हा अपन फौलादी इरादा अउ सहज स्वभाव ले मनखे मन के दिल म अपन अमिट जगह ल बनाइन । विज्ञान के क्षेत्र म भारत ल अंतर्राष्ट्रीय पहचान दिलाय म डॉ. कलाम के महत्वपूर्ण भूमिका रिहीन । ओखर नेतृत्व म भारत ह कई ठीन वैज्ञानिक उपलब्धि हासिल करीन ।

वोहा देस ल अंतरिक्ष कार्यक्रम अउ सैन्य मिसाईल के क्षेत्र म नवा ऊंचाई तक पहुंचाइन । पूरा विश्व ह आज ओमन ल मिसाइलमैन के रूप म जानत हे । डॉ. कलाम जइसे व्यक्तित्व बिरले होत हे ।