जय जोहार। जल संसाधन विभाग मंत्रालय छत्तीसगढ़ (chhattisgarh ) सासन डहार ले सरगुजा जिला के विकासखण्ड लुण्ड्रा के गुजरवार व्यपवर्तन योजना के शीर्ष काम के जीर्णोद्धार अउ मुख्य नहर म पक्का चैनल के निर्माण काम बर दो करोड़ 59 लाख 59 हजार रुपिया के प्रसासकीय स्वीकृति मुख्य अभियंता हसदेव गंगा कछार अंबिकापुर ल दे गेहे । ए योजना के पूरा होय ले 364 हेक्टेयर क्षेत्र म रूपांकित सिंचाई सुविधा हो जाही ।
मंगलोर तटबंध निर्माण काम बर 2.89 करोड़ के प्रसासकीय स्वीकृति- जल संसाधन विभाग मंत्रालय छत्तीसगढ़ (chhattisgarh ) शासन डहार ले बेमेतरा जिला के विकासखण्ड बेरला के मंगलोर तटबंध निर्माण काम बर दो करोड़ 89 लाख 96 हजार रुपिया के प्रसासकीय स्वीकृति मुख्य अभियंता महानदी गोदावरी कछार रायपुर ल दे गेहे ।
कुर्मीगुण्डरा स्टापडेम निर्माण बर मिलीन 1.30 करोड़ के स्वीकृति- जल संसाधन विभाग मंत्रालय छत्तीसगढ़ (chhattisgarh ) सासन डहार ले दुर्ग जिला के पाटन विकासखण्ड अंतर्गत ग्राम कुर्मीगुण्डरा के तीर स्टापडेम निर्माण बर एक करोड़ 30 लाख नौ हजार रुपिया के प्रसासकीय स्वीकृति मुख्य अभियंता महानदी गोदावरी कछार रायपुर ल दे गेहे। ए स्टापडेम के निर्माण ले भू-जल संवर्धन, पेयजल, निस्तार के सुविधा के संगेसंग किसान मन ल स्वयं के साधन ले 20 हेक्टेयर रकबा के सिंचाई बर जल उपलब्ध हो सकही ।
