chhattisgarh : राज्य सरकार अउ यूनिसेफ ह नागरिक मन के सशक्तिकरण बर मिलके चलाही जन-जागरूकता अभियान

जय जोहार। (chhattisgarh ) मुख्यमंत्री भूपेश बघेल के नेतृत्व म छत्तीसगढ़ सरकार अउ यूनिसेफ ह नागरिक मन के सशक्तिकरण बर मिलके जन-जागरूकता अभियान चलाही । एमा स्वास्थ्य, शिक्षा, पोषण, स्वच्छता अउ सामाजिक सुरक्षा के योजना म फोकस होही इस अभियान बर यूनिसेफ डहार ले आज मुख्यमंत्री भूपेश बघेल ल ओखर निवास कार्यालय म 1100 ले जादा संचार उपकरण पिको प्रोजेक्टर, ज्यूक बॉक्स अउ मेगाफोन सौंपे गीन ।

(chhattisgarh ) ए उपकरण के उपयोग कर ग्राम सभा, हाट बाजार, आंगनबाड़ी केन्द्र अउ स्वास्थ्य केन्द्र म मनखे मन ल ओखर भाखा म ऑडियो-विजुअल माध्यम ले जानकारी दे जाही , ताकि जादा ले जादा मनखे मन ह योजना के लाभ ले सकें। पहला चरण म प्रदेश के 80 विकासखण्ड के दुर्गम क्षेत्र म ए अभियान के माध्यम ले 50 लाख मनखे मन तक पहुंचे के लक्ष्य रखे गेहे ।

(chhattisgarh ) मुख्यमंत्री ह किहीन कि प्रदेश म दुर्गम क्षेत्र म स्वास्थ्य सुविधा ल पहुंचाय बर मुख्यमंत्री हाट बाजार क्लिनिक योजना प्रारंभ करे गेहे , जेमा 455 मेडिकल मोबाइल यूनिट के माध्यम ले अब तक 40 लाख मरीज मन ल स्वास्थ्य सुविधा उपलब्ध कराये गेहे । ए अवसर म ऊर्जा विभाग अउ मुख्यमंत्री के सचिव अंकित आनंद, संचालक जनसम्पर्क सौमिल रंजन चौबे, यूनिसेफ के छत्तीसगढ़ प्रमुख जॉब जकरिया, यूनिसेफ के एसबीसी स्पेशलिस्ट अभिषेक सिंह अउ कंसल्टेंट चंदन कुमार घलो उपस्थित रिहीन ।