जय जोहार । (Raipur) मुख्यमंत्री भूपेश बघेल ह छत्तीसगढ़ के प्रमुख लोक तिहार तीजा के अवसर म प्रदेस वासी मन ल हार्दिक बधाई अउ सुभकामना दीन हे । वो हा सबो तीजहारिन माता अउ बहिनी के प्रति अपन सुभकामना प्रकट करे हे । मुख्यमंत्री श्री बघेल ह अपन बधाई संदेस म किहीन हे कि छत्तीसगढ़ म तीज, तिहार के एक समृद्ध परम्परा हे ।
(Raipur) राज्य सरकार ह छत्तीसगढ़ के संस्कृति के सरंक्षण अउ संर्वधन बर प्रदेस म हरेली, तीजा, माता कर्मा जयंती, छठ पूजा अउ विश्व आदिवासी दिवस के दिन न केवल सार्वजनिक अवकास के सुरुवात करे हे , बल्कि ए लोक तिहार के महत्व ले अवइया पीढ़ी ल जोड़े बर एला जन सहभागिता ले पूरा उत्साह के संग मनाए जात हे ।
मुख्यमंत्री श्री बघेल ह किहीन हे कि छत्तीसगढ़ म तीजा तिहार के अपन बिसेस महत्व हे । छत्तीसगढ़ म भादो माह के अमावस्या तिथि के पोला तिहार मनाए जाय के बाद हरतालिका तीजा तिहार ल उत्साह के संग मनाए जात हे , महिला मन ह तीजा मनाय ल ससुराल ले मायका आत हे । महिला ह पति के दीर्घायु बर तीजा तिहार के एक दिन पहले करूभात ग्रहण कर निर्जला व्रत रखत हे ।
मान्यता हे कि ए व्रत ल करे ले सुहागिन स्त्री ल शिव-पार्वती ह अखंड सौभाग्य के वरदान देत हे , उहें कुंवारी लड़की ल मनचाहा वर के प्राप्ति होत हे । मुख्यमंत्री ह ए अवसर म सबो मनखे मन बार सुख, समृद्धि के कामना करे हे ।
