chhattisgarh : मुख्यमंत्री ह राज्य गीत के रचयिता डॉ. नरेन्द्र देव वर्मा के पुण्यतिथि म करीन नमन

जय जोहार। (chhattisgarh) मुख्यमंत्री भूपेश बघेल ह प्रसिद्ध साहित्यकार अउ छत्तीसगढ़ राज्य-गीत के रचयिता डॉ. नरेन्द्र देव वर्मा के पुण्यतिथि म ओमन ल नमन करीन हे। साहित्य के क्षेत्र म डॉ. वर्मा के अमूल्य योगदान ल याद करत हुये मुख्यमंत्री ह किहीन कि डॉ. वर्मा ने छत्तीसगढ़ी भाखा -अस्मिता ल बनाए रखे अउ संस्कृति ल विसिष्ट पहचान दिलाय म महत्वपूर्ण भूमिका निभाईन।

’अरपा-पइरी के धार, महानदी हे अपार……’ के रूप म वो हा अमर रचना दीन हे, जेमा छत्तीसगढ़ महतारी के वैभव ह साकार हो उठीन हे । ओखर कलम ले निकले ये गीत आज छत्तीसगढ़ के स्वाभिमान के प्रतीक बन चुके हे । डॉ.नरेंद्र देव वर्मा के रचना म छत्तीसगढ़ के जनजीवन अउ संस्कृति के सजीव चित्रण मिलत हे।

ओखर हिंदी उपन्यास ‘सुबह की तलाश‘ जब छत्तीसगढ़ी म अनुवाद के बाद ‘‘सोनहा बिहान‘‘ के रूप म मनखे मन के बीच रंगमंच के माध्यम ले पहुंचीन , तब एहा मनखे मन म सुनहरी सुबह के साकार होय के आशा जगा दीन । सही अर्थ म डॉ. नरेन्द्र देव वर्मा ह छत्तीसगढ़ के सोनहा बिहान के स्वप्नदृष्टा रिहीस ।