chhattisgarh : मुख्यमंत्री ह भारतरत्न पंडित गोविन्द वल्लभ पंत के जयंती म करीन नमन

जय जोहार। (chhattisgarh) मुख्यमंत्री भूपेश बघेल ह स्वतंत्रता संग्राम सेनानी, भारत के पूर्व गृह मंत्री, उत्तर प्रदेश के प्रथम मुख्यमंत्री, विद्वान, वकील अउ भारतरत्न पंडित गोविंद वल्लभ पंत के 10 सितम्बर के जयंती के अवसर म ओमन ल नमन करीन हे । ओखर देस के प्रति अमूल्य योगदान ल याद करत हुये सीएम श्री बघेल ह किहीन कि पंत जी राजनीति म मूल्य अउ आदर्स के प्रतीक रिहीन अउ कुसल प्रसासक होय के संग महान स्वतंत्रता सेनानी घलो रिहीन ।

वो हा स्वाधीनता आंदोलन ल गति दे के संग स्वतंत्रता संग्राम सेनानी मन के पैरवी अउ रिहाई बर काम करीन । आजादी के बाद राष्ट्र निर्माण म पंत जी ह महत्वपूर्ण भूमिका निभाइन । राज्य ल भाषायी आधार म विभक्त करे अउ हिन्दी ल राजभाषा के रूप म प्रतिष्ठा दिलाय म ओखर अहम योगदान रिहीन ।