जय जोहार। (chhattisgarh) भेंट-मुलाकात कारीकरम के दउरान मुख्यमंत्री भूपेश बघेल ह ग्राम मालघोरी म कई ठीन घोसना करीन। सीएम ह घोसना करीन कि कुकुरदेव मंदिर के जीर्णोद्धार करवाये जाही । डौंडीलोहारा सासकीय महाविद्यालय म कृषि संकाय प्रारंभ करे जाही । ग्राम रेंगाडबरी, रानाखुज्जी, मंगचुआ अउ बनगांव म मंगल भवन बनवाये जाही।
अइसने सासकीय पूर्व माध्यमिक स्कूल बड़ा जुंगेरा के हाईस्कूल म उन्नयन करे जाही । ग्राम किल्लेकोड़ा अउ ग्राम कोबा के हाई स्कूल के उन्नयन हायर सेकेंडरी म करे जाही । ग्राम कोटेरा के हायर सेकेंडरी अउ ग्राम कमकापार के हाईस्कूल बर नवा भवन बनाए जाही ।सामुदायिक स्वास्थ्य केंद्र डौंडीलोहारा के उन्नयन 50 बिस्तर अस्पताल के रूप म करही ।
ग्राम हितापठार म उप स्वास्थ्य केंद्र खोले जाही । आई.टी.आई. डौंडीलोहारा के नावकरण स्व. झुमुकलाल भेड़िया जी के नाव म करे जाही । मोहड़ जलासय म डुबान क्षेत्र म आये हितग्राही मन के प्रकरण के निराकरण करवाके मुआवज़ा दिलवाये जाही । ग्राम मरनाभाठ म स्टॉप डेम के निर्माण करवाके सिंचाई सुविधा के विस्तार करे जाही ।
Other Articles
chhattisgarh : मुख्यमंत्री ह बालोद के सासकीय पॉलिटेक्निक के करीन लोकार्पण
