chhattisgarh : मुख्यमंत्री ह बालोद म नवनिर्मित इंडोर स्टेडियम के करीन सुभारंभ
जय जोहार । (chhattisgarh) मुख्यमंत्री भूपेश बघेल ह आज बालोद म नवनिर्मित इंडोर स्टेडियम के सुभारंभ करीन अउ खिलाड़ी मन ल सुभकामना दीन । मुख्यमंत्री ह इंडोर स्टेडियम पहुँचके मलखम्ब म जिमनास्ट अउ योग करत प्रतिभागी मन के कलाकृति अउ अभ्यास ल देखके ओखर हौसला के सराहना करीन ।
(chhattisgarh) मुख्यमंत्री ह किहीन कि ये भारत के प्राचीन विधा है। मलखम्ब ले साधक मजबूत अउ तंदुरुस्त बने के संग तन अउ मन ले स्वस्थ होत हे । वोहा इंहा प्रसिक्षण लेवत प्रतिभागी मन ल अपन आसीर्वाद अउ सुभकामना देत हुए नियमित अभ्यास करे बर प्रेरित करीन । वोहा प्रसिक्षक मन ल जिमनास्ट अउ योग के बारीकी ले अवगत कराय अउ एला बढ़ावा दे के सुझाव देहे ।
(chhattisgarh) मुख्यमंत्री ह इंहा नेसनल खिलाड़ी दीप्ति साहू, चंचल साहू, प्रेरणा साहू, करुण नायक, राजकुमार मुथाई , वीरेंद्र कुमार, उषा चौधरी ले भेंट करीन । वोहा तीन सगी बहन दीप्ति, चंचल और प्रेरणा साहू के जज्बा अउ हुनर के सराहना करीन । दीप्ति साहू ह नेसनल गेम म कई ठीन मेडल जीतके जिला के नाव रोसन करे हे । इंडोर स्टेडियम म कलारी पट्टू, उशु, मुथाई, किक बॉक्सिंग, जूडो खेल के घलो प्रसिक्षण दे जात हे ।
पूर्व सैनिक सेवा संघ के अध्यक्ष राजकुमार साहू ह बताइन कि इंहा अभी 70 युवा ल सैनिक, अर्धसैनिक बल म भर्ती बर जरूरी प्रसिक्षण दे जात हे । पूर्व सैनिक किशोर नाथ योगी, हेमंत मारगिया, कन्हैया लाल, उमेश साहू डहार ले प्रसिक्षण दे जात हे । इंहा सन 1962 और 1965 के युद्ध म अपन वीरता के परिचय देवइया 70 बछर के विमल कुमार दास ह युवा मन ल प्रसिक्षण देत हे ।
